大学英语段子

姚：How do you do, ladies and gentlemen. You are turning to the People Broadcast Station of Youngtime. Now we have a special progrem today. 周：哪能啥地方来外国代表团拉啊 姚：勿是，因为伲 搿档节目拉，有常时经常有得外国听众来听，有得外国观众看。 周：哦！现在迭额外国人也要看独脚戏啊 姚：哦哟，搭侬讲侬勿懂额，侬英文推板来兮。我英文有基础额呀。大约四十年之前，我勒英国迭额牛津大学毕业额。牛津大学么勒勒英国。About forty years ago, I would graduate from English College of The Oxford. 周：哦！牛筋大学啊？ 姚：牛津。 周：牛筋味道倒蛮好额哦，牛筋。 姚：哎。 周：别过就是侬牙齿吃得消伐？ 姚：诺，有常时吃起牛筋...关牛筋啥体拉？牛津大学。哎呦！侬勿懂额，侬勿懂额。我有得基础额呀。诺，侬随便啥侪好问问我额呀 周：哦，侬牛筋大学读书，读得成绩哪能拉啊？ 姚：我迭额辰光，牛津大学留学读书辰光，有得四额同学。搿是顶要好了，一额我，还有三额同学呢，一额宁波人，一额浦东人，一额山东人。 周：哦。 姚：搿么迭额，大家迭额学习下来呢，我成绩顶好。伊拉迭额发音勿准。 周：哦，搿么好额，侬准额，迭额准足点讲眼来听听看。 姚：诺，准足点呢，因为我是上海人，准足点。Good morning Mr Wang. Good morning Mr Tang. How do you do? Fine thanks. How you make now? Well, well, not so bad. Where are you going? Well, I'm going to our factory. Oh it is eight o'clock now and I wanna be in a hurry. So long, bye bye. 准足伐？ 周：准足，准足。读音倒是比较准足额。 姚：哎，到底是牛津大学，吃惯牛筋...勿关牛筋啥事体。 周：勿容易额。哎，搿么迭额浦东人倒讲讲看呢？ 姚：搿么我伊额同学浦东人讲英文，比较差一眼。Good morning Mr Wang GeLi, Good morning Mr Tang Ge Li. 好末么大又大。I am very well. I saw your wife last night. Your wife 迭只番司无啥话头哉。哦哟，very beautiful. 周：哪能人会得下来额拉啊？ 姚：失去重心了呀。迭额是浦东人讲。 周：搿么宁波人呢？ 姚：宁波人讲英文蛮好听额。Good morning Mr Wang, Good morning Mr Tang。蟹大又大。I am very good. Where are you going. I am going to 小毛头。搿是宁波English：（唱）来叫康姆(come)去叫狗(go)！ 周：隆冬隆得隆得隆得隆地冬 姚：一块洋钿么温道罗(one dollar)！廿四额铜钿么小店佛(twenty-four)。大大轮船史汀婆(steam boat)，阴三谢堂(inside sit down)么里向...坐。 周：仓仓其仓其仓其仓...璞！ 姚：璞，啥体拉？ 周：诺，一只铜鼓敲穿了。 姚：哦哟。 周：哪能唱宁波台簧（甬剧）勒拉阿？ 姚：诺，迭额宁波人讲英语。 周：搿么山东人呢？ 姚：山东人讲英语,蛮好听额。Good morning Mr Wang, Good morning Mr Tang。好多又多。I am very well.嘿，Where are you going? I am going to...（姚慕双撩起袖子状，周柏春吞宝剑状） 姚：啥体啊？侬？ 周：哪能变卖拳头勒拉，啊？ 姚：哎，我也弄勿懂呀，侬勒旁边啥体啊，侬？ 周：搿我想侬搿样子一来么，我吞宝剑了呀。 姚：啊！ 周：搿力道倒是结棍额。 姚：嘿嘿，所以我英文有基础额，侬勿懂侬侪好问我额。真额呀，到底是牛津大学毕业。 周：呵呵，哦搿么我要请教一下，迭额，英文迭额字母是廿六额。 姚：哎 周：迭额廿六额字母侬背得出伐？ 姚：迭额么，我从小背得出额，迭额有啥希奇呢 周：好，搿么听听看。 姚：ABCDEFGHIJKLMNOPQRSTUVWXYZ 周：搿么，颠倒转来背背看。哎，倒过来！ 姚：没额！侬迭额，勿要开玩笑好伐。全世界没一个人啥额倒背额，外国人也背勿出。好了，好了，勿要打甏 周：搿么，阿要我来试试看，好伐？ 姚：请侬勿要出洋相。没额，背勿出额。 周：我来来看哦！迭额正背是ABCDEFGHIJKLMNOPQRSTUVWXYZ。 姚：迭额大家侪会额呀。 周：ZYXWVUTSRQPONMLKJIHGFEDCBA。 姚：啊！哦哟！勿得了！ABCD变DCBA。哦哟！周老师啊.. 周：勿，勿。 姚：想勿到侬本事还要大。 周：勿....，一道研究研究。 姚：我是牛津大学毕业，侬大概是“牛开”大学毕业额啊？ 周：一道研究，一道研究。 姚：勿是，我今朝碰着顶头货了。哪能碰着额DCBA？ 周：搿么我来试试看，我想问问侬看，好伐？讨教讨教，请侬翻译翻译。 姚：乃我要当心点了。 周：侬听好噢。 姚：嗯，我洗耳恭听。 周：迭额，我们要为实现四化而努力奋斗。请侬翻翻看。 姚：We must work hard for the Four Modernization. 周：我们的朋友遍天下。 姚：We have friends all over the world. 周：我侪要问哦。 姚：哦。 周：迭额，今朝就是今天。 姚：哦。今朝叫today. t,o,d,a,y, today. 周：哦。今朝叫吐痰。 姚：yeah, today. 周：搿么今朝是礼拜六 姚：Today is Saturday. 周：哦。吐痰要杀脱头额。 姚：啊！ 周：搿没介结棍，吐痰么罚五角洋钿。 姚：喂！谢谢侬勿要搭我开玩笑。啥额今朝么吐痰要杀脱头额。今朝礼拜六么叫Today's Saturday. 周：哦。搿么今朝天气交关冷。 姚：Today is very cold. 周：今朝天气交关热。 姚：Today is very hot. 周：今朝天气勿冷勿热。 姚：就...哦，勿冷勿热。Today is very 温吞。 周：今朝天气，迭额天气啦，迭额...侬讲伊天好伐，太阳没额；侬讲伊落雨伐，落两三点勿落来。迭额天气，侬多坐一歇，倒有眼冷飕飕，侬动一动么，倒有眼热厚厚额。迭额天气啥天气，侬讲讲看。请侬翻译哦。 姚：恩呵...Today...Today is very 厚似... 厚似！ 周：侬迭额English very… 蹩脚。 姚：侬迭额人 very 促狭。 周：迭额，三轮车叫啥？ 姚：三轮车叫pedicab， 周：搿么电车 姚：电车叫tramcar 周：汽车 姚：汽车叫motorcar 周：迭额哪能侪有car字额拉？ 姚：car么是车子，c,a,r, car. motorcar就是汽车。 周：哦，车子叫car, 搿么装...装小菜额迭额车子呢？ 姚：小菜car。 周：搿么装香烟额呢？ 姚：香烟car。 周：搿么，搿车子勒跌下来呢？ 姚：叫“跌car”。 周：跌下来，一只面孔受伤了。 姚：迭额叫伤面car（双面咔）。 周：倒蛮大额，做中山装倒蛮牢额。 周：头浪向戴额帽子叫啥？ 姚：叫hat, h,a,t, hat 周：鸭舌头帽子？就是鸭舌（普通话） 姚：鸭舌头帽，叫“冲出来hat”。 周：小滴头帽子 姚：叫西瓜皮hat。 周：帽子戴勒眼睛浪? 姚：hat侬眼睛.(瞎脱侬眼睛)。帽子戴勒眼睛浪，有啊？ 周：身浪向着额衣裳，衣裳叫啥？ 姚：衣裳叫clothes 周：上装？ 姚：叫coat 周：大衣？ 姚：大衣叫overcoat 周：雨衣？ 姚：叫raincoat 周：牛仔裤？ 姚：牛仔裤，叫cowboy裤. 周：迭“裤”也叫“裤”啊？ 姚：迭额一眼眼么，带带过拉倒了。 周：搿么，游泳裤 姚：叫swimming裤 周：喇叭裤。 姚：叫“咪哩嘛啦”裤。 周：哎，喇叭裤叫“咪哩嘛啦”裤啊？哎，我碰着侬有得苦额！（苦笑状） 周：脚浪向着额鞋子。 姚：鞋子叫shoe 周：皮鞋？ 姚：leather shoe 周：黄皮鞋 姚：黄皮鞋么叫brown shoe 周：黑皮鞋 姚：叫black shoe 周：黑额镂空皮鞋 姚：叫black 洞洞眼shoe 周：哎，迭额风凉鞋子侪有洞洞眼额。 姚：风凉也蛮风凉。 周：搿么老虎？动物园里额老虎 姚：老虎叫tiger 周：狮子 姚：叫lion 周：狼 姚：叫wolf 周：狐狸 姚：叫fox 周：鸡，是雄鸡 姚：雄鸡叫cock 周：雌鸡 姚：叫han 周：小鸡．．．小鸡 姚：小鸡叫chicken，c,h,i,c,k,e,n,chicken。chicken，侬当我翻勿出，是伐？chicken。 周：黄鳝 姚： ．．．外国人勿吃黄鳝额。 周：搿啥闲话呢？外国代表团到上海来，人家请伊吃黄鳝，也有额。叫鳝鱼（普通话）。 姚：黄鳝．．．黄鳝叫near vo what. 周：啥．．啥物事？哎，哎，侬讲了清爽点。 姚：我勒讲外国闲话。 周：黄鳝 姚：near vo what. 周：哎，请侬讲慢一眼，好伐？ 姚：捏勿牢滑脱！！ 周：哦，黄鳝叫迭额near vo what（捏勿牢滑脱）。 姚：near vo what 周：搿是乌龟头叫“摸上去缩脱”。 姚：yes 周：搿么橘子叫啥？ 姚：橘子叫orange 周：香蕉 姚：叫banana 周：苹果 姚：叫apple 周：樱桃 姚：cherry 周：杨梅 姚：strawberry 周：糖炒栗子 姚：…糖炒栗子叫brokochi（拨了壳吃） 周：叫brokochi（拨了壳吃）? 姚：brokochi（拨了壳吃） 周：搿是烘山芋？ 姚：叫brobeach（拨了皮吃） 周：搿么橘子哪能吃法额？ 姚：搭侬讲过来，橘子叫orange 周：橘子哪能吃法额？ 姚：哪能吃法？叫“拨了皮，吐了核，一馕一馕吃”。 周：搿糖炒栗子、烘山芋、橘子一道吃 姚、周：叫brokochi（拨了壳吃）、brobeach（拨了皮吃）、“拨了皮，吐了核，一馕一馕吃”。

You have a choice I woke up early today, excited over all I get to do before the clock strikes midnight. I have responsibilities to fulfill today. I am important. My job is to choose what kind of day I am going to have.Today I can complain because the weather is rainy or I can be thankful that the grass is getting watered for free.Today I can fell sad that I don’t have more money or I can be glad that my finances encourage me to plan my purchases wisely and guide me away from waste.Today I can grumble about my health or I can rejoice that I am alive.Today I can lament over all that my parents didn’t give me when I was growing up or I can feel grateful that they allowed me to be born.Today I can cry because roses have thorns or I can celebrate that thorns have roses.Today I can mourn my lack of friends or I can excitedly embark upon a quest to discover new relationships.Today I can murmur dejectedly because I have to do housework or I can feel honored because the Lord has provided shelter for my mind, body and soul.Today stretches ahead of me, waiting to be shaped. And here I am, the sculptor who gets to do the shaping.What today will be like is up to me. I get to choose what kind of day I will have!0 顶一下